?

Log in

No account? Create an account
Fantelmie

> recent entries
> calendar
> friends
> Elmorondo
> profile

Friday, April 21st, 2006
2:05 am - An sii quenyanen :)
Alatarienna et Endorello

La entencena!

Istalye, nanye ve oio,
Naa laalala ar naa raina.
Uutuurima Estel loico -
Ve nen ehtelesse-laire -

Sin ringa naa ilyaluume,
Ar ninque naa si oorenya.
Suncenye i cuileo yulma -
Enquantainas, ceena elye?

Lussarye nin thinde helcali,
Mi quilda quildesse hlaran.
Uuvantan. Man etelehtuva?
Nu taali naa yaare talan.

Alacare oorenya nootie,
Alavatie, tevie.
Apa luume cuivuva loote,
Apa loa sin firuva yaavie,

Apa cuile nin Loome macuva,
Apa qualme enortuva inye.
Sii an mana rucelme uuro naar,
Ai faarea nyeer ana ilye?

Oioluume ve valin nelle
Nan sin morna ve raina Mandos.
Miruvoore, ya naa ve serce,
Minna elme tennoio quantas.

Oorenyanna uur alavantuva,
Alamoicuva ar aluryuva.
Ve i nen ana helca caruva
Oiraare i luume uunauva,

Ar ensuuyuva yallo panta
Ni uuhastaina lasse-lantanen.
Hlaralye nin, istalye hande?
Alanta losse... Sii, a laita len.

A tire tasse.

(5 comments | comment on this)

Wednesday, March 22nd, 2006
7:56 am - Laire Falasse Sino
I

Ta falasse urya náre,
Sirer Eldamaro líri.
Yan, a calwe Valinyáre,
Si yalelyen lisselyanna,
Cún’ andúnna cenya tire,

Yallo lemien móre minna,
Meryan yello ampalanna,
Enyalenyel, ar mi rína
Lorinyasse enye sina
Caita litsemarilyanna?

Sie falmali ú-larca
Vantana lussaitan waiwa
Háyanóreo lómesse
Ellion tyelepecalesse.
Ai mernenyes! - Táre vanne.

Eldamar or ve tornéso
Quilda faila Oiolosse
Mindon sile tere yesse.
Caiter élli Earesse,
Carne ilwe ve olosse...


II

An lóme falmar nauvar cale
Nárenen hópo Alqualonde...
Hláralye: maiwi tasse nainar,
Ar indo nyenyenen wilaima
Ó-linde sí, a nóre sonda!

Ta súre nandesse, si – lassi
Nar lantar laurie naináli,
Si aldar helde nar, ar hasta
Ve umbar luxo undu táli...
Ar hiswe quettar nar ve asto.

Nildonya melin, náro náre
I carme sanwe cala Vardo,
Mana si líri feanyan nar?
Lertanye entule et-Arda?
Manen tulyailtan mista vanda?

Coireva máne, alcar lóre,
Tercáno Irmo alamarda,
Yan cenyer nyellie or óre,
Yan rilmar Earo mi nande?
Sie quantainan oira qualme...

II

A lóme morna, haira quilda,
Nyéresse eleni equéla,
Ar hequave i círar fanyar,
Ve ciryar! Ar i líre quála,
Er láma tinta ailúmenna.

Nan hendu pahtar nar – hlarenye,
I waiwa lussa minna indo,
Ve lauremíre falmar cenen
Moica cálesse Laurelindo,
Ar quaine, lusse wiler ette.

Ta - yasse solor, ar ómanya
Niquesse etelehte rambar,
Yasse i calinar hendulyar,
Ar lauca fána pendamalle –
I minya lúme ócennelve.

Ai, Tirionya, cuiva amba!
Ataquete i sonda líre
Eldamaréva! Aiya Aman!
Enyalerye si nye Earwen?
A Tirionya, ciuva amba...


CARNENYES! Nelya lúme entéca! A-a-a! :)

current mood: ná vanima, nan fúmea...

(comment on this)

Tuesday, March 21st, 2006
6:07 pm - Hyáze...
Sí cendean “Shibboleth of Feanor” ar híra sin ná tereva engwe. Sillo láma thúle tecuvan ter TH, lá Þ var S. Sin ná anírima írimo!

(comment on this)

10:12 am - Inwilillo
Merelye sin istyá
i né nurtana yáre fóle
i Lempeo, ya
tulle háya nórello?
Er mine entulie.
I hequeni úvar oiale
Thindanóre Atanion tirnor
Ohtar Ohtarion tenna,
tenn’ Ambarmande.
Manen hlarnelye
halyane óquentieí
Númeno Heruive
Amannóresse?
I yessie maller tanna tulyala
vanner,
ar Manweo Fírimannar
quettar equelier.
Númello i né yáresse
súre colitas
fumi hlare,
mi lóme huineva
nu morne leor,
wíla i vinya
Hequenórello,
vanwe yénillor,
ter lúmeo eari,
samanna láta.
Ilquen únar hecili
Anyára Aranen.
Tirnéro Thauron
ve lenca raxé...

Ehtele ná tasse.

current mood: Vanya-vanima

(comment on this)

Monday, March 20th, 2006
4:06 pm - Enyalie
Ve eleríanen findesse querna,
Unducaita Tirionwe lossi rambar Túnollo
Sini nar hrestar lohtele olvaron, palani, pacar.

Marillion pendamaller tulyalar tumbonna ve silme neller,
Sie tinnente silme Tyelperionesse,
Lander ar minna falmali tuller Calaciryáva salqueo.

Sina salque, ai thúles!
Ar lóti nandesse quanter alasseo,
Sie nárenta úhehtaina míri noldoive...

Ar si annomesse, mar ara i marnen ná paca pitya,
Yasse orni ar tussar lillassie mici ná nildathambe,
Ar ai lelya i tiesse pandanna cenalye i ostova ranta rómenna,
I cilya, ar mirilya cálenen ilcala Alqualonde palasse...

Ar ortea cenyanna lóre thinda Firyanóreo nu rilye élli.
- Salquerya nurtaina hísinen, ar thaure ranya i quáme tauresse -
Sin quenter nin...

Yalúmesse ettullen sinomenna,
Aquanta i néca nessenyo,
Ar tirne palanna, ar melle sin'osto, ar lá sinte i enyaluvan oio...

Ve i ossennar nu, hlarnen i nurrula ear - var sin tambala hónya? -
Ar cuile né ve raine ar almárea,
Ve nén falasse ara, ya Laurelindo cále terquantitas
Ar lilta pa litsemarilla...

San Hui, - er quettar. Entulesse coireva...
Ya né lauceo arwar ar qiulde alasseo antar,
Anda lóme'óquentar...

Ar entúlan pandanna ar tíra rómenna,
Nan Urwende sí laurea falmar Eareva.
Enorta cenyanna san’ nóre,
Nan estuvas sí Firnenórie.

current mood: olórea

(comment on this)


> top of page
LiveJournal.com